Af hverju 7. sætið?

Vill einhver skýra fyrir mér hvernig maður lendir í 7. sæti við það að vinna alla sína leiki á móti?

Ísland vann Finnland 3:0 í leiknum um 7. sætið

Athugasemdir

[Tómas (IP-tala skráð) 12.3.2008 kl. 14:21]

Það er sem sagt vegna þess að liðunum var skipt í riðla eftir styrkleika fyrir mótið þar sem í íslenska liðið var sett í C riðil ásamt mun slakari þjóðum og því kepptu þær við lið sem lenti í síðasta sæti í annað hvort A eða B riðli.

[Ingibjörg Hinriksdóttir, 12.3.2008 kl. 14:31]

Sæll Karl, þetta er ekkert einfalt mál. Stutta útskýringin er á þessa leið: 

Ástæðan er sú að 12 lið tóku þátt í mótinu og var þeim skipt niður í 3 fjögurra liða riðla. Riðill A og B voru með sterkustu liðunum skv. styrkleikalista FIFA. Efstu 3 liðin í riðlum A og B leika svo við hvort annað um sæti 1-6. Liðin tvö sem lentu í neðsta sæti í riðum A og B leika síðan um 7. og 9. sætið á mótinu við þau tvö lið sem stóðu sig best í C-riðlinum.

Þar sem Ísland vann C-riðilinn þá léku þær um 7. sætið, sem er það sæti sem þær gátu náð best miðað við að vera í C-riðli. Ísland er klárlega besta liðið í C-riðlinum, er sem stendur í 21. sæti heimslistans, þar sem einnig léku Pólverjar (27. sæti), Írar (31. sæti) og Portúgalir (47. sæti). Í hinum riðlunum tveimur léku þjóðir sem allar sitja ofar á heimslistanum heldur en Ísland. Þess ber þó að geta að þessi heimslisti segir ekki nema hálfa söguna, sem dæmu um það þá hafnaði Portúgal í 2. sæti C-riðils, Írar urðu í 3. sæti og Pólverjar í því fjórða.

Ef stelpunum okkar gengur vel í leikjum sínum í sumar þá færast þær upp heimslistann og vonandi verða þær í hópi A eða B liða á næsta móti og eiga þar með möguleika á að leika um sæti sem eru ofar en 7. sæti á Algarve Cup.

[Stefán Þór Steindórsson, 12.3.2008 kl. 20:40]

Skýringin er kominn þarna handa þér.. (ekki neitt einfalt en samt)

En þess má til gamans geta að svona gæi nú eflaust líka gerst á móti með mörgum liðum þó svo að fyrirkomulagið væri annað.. Td gætu öll þessi 7 efstu lið verið með sama stigafjölda en markatala ráðið sæti sem liðið lenti í.. En þannig var það ekki í þetta skiptið heldur var þetta styrkleikastýrt...   Þetta er nokkurnveginn svona ..Þær voru bestar í sínum bekk dæmi..